Wegn meine Ötan woa i scho immer sehr sportlich und aktiv. Mei Papa hod mi fia sämtliche Sportarten begeistert und mei Mama hod imma fia uns kocht und mir somit zagt wie wichtig a ausgewogene Ernährung is. I hob a Masn ghobt:)Kicken, Radlfoan, Skifoan, Renna, Waundan - immer ois regelmäßig gmocht!
Mei greßte Leidenschoft hob i oba daun mid 18 gfunden. Im Herbst 2009 bin i zum ersten moi in a Fitnessstudio gaunga und i woa sofort komplett begeistert. Seitn ersten Tag wü i mit jedn Training bessa werden.Wie mi da Trainer bei meim Probetraining gfrogt hod warum i trainieren wü hob i gsogt, dass i fitter fias Skifoan werdn wü. So a BULLSHIT:-D i woit afoch geil ausschauen und a sixpack, damit i mi bessa fühl und dmenscha beeindruck :-DKomplett egal warum i a imma augfangt hob mit Krofttraining, es woa die beste Entscheidung übahaupt!
Mid da Zeit haum se meine Motivationen natürlich verändert, i bin öda und somit hoffentlich a a bissl gscheida woan, hob midgriagt dass ka Sau interessiert obsd a sixpack host oda ned und außagfundn das Training sovü mehr is ois nur Training.